Ish-mesfushori Toni Kroos ka bërë një analizë kritike pas eliminimit të Gjermanisë në raundin e 1/32-ave të Kupës së Botës 2026. Pas disfatës kundra Paraguait me penallti (4:3), Kroos deklaroi se kombëtarja aktuale nuk posedon futbollistë të nivelit botëror, të cilët mund të bëjnë diferencën në momentet vendimtare të turneut.
Në një prononcim përmes programit të tij në TikTok, fituesi i Kupës së Botës 2014 theksoi se ekipi ka lojtarë me potencial, por kjo nuk është e mjaftueshme për të garantuar sukseset e dikurshme. Sipas Kroos, Gjermania ka humbur aftësinë për të ndryshuar ritmin e lojës gjatë ndeshjeve, një element që karakterizonte skuadrat e suksesshme të së kaluarës.
“Aktualisht nuk kemi asnjë lojtar të klasit botëror. Kemi futbollistë me potencial për t’u bërë të tillë, por kjo nuk do të thotë se ata janë tashmë të këtij niveli. Duhet të jemi të sinqertë për këtë situatë”, u shpreh Kroos, duke shtuar se ekipi shpesh mbivlerëson veten karshi kundërshtarëve.
Ky eliminim i hershëm ka hapur debat në opinionin sportiv gjerman në lidhje me të ardhmen e stafit teknik. Pozita e trajnerit Julian Nagelsmann është vënë në pikëpyetje, ndërsa raportohet se Jurgen Klopp ka shprehur gatishmërinë për të marrë drejtimin e kombëtares në rast largimi të tij.