Trabzonspor ka vendosur të ushtrojë opsionin e blerjes për Ernest Muçin nga Beşiktaş, duke paguar 8.5 milionë euro në pesë këste. Ky transferim e bën sulmuesin shqiptar lojtarin më të shtrenjtë në historinë e klubit nga Trabzon, duke tejkaluar rekordin e mëparshëm prej 6.9 milionë eurosh.
Muçi, 25 vjeç, ka luajtur me huazim në Trabzonspor gjatë këtij sezoni dhe ka shënuar 15 gola e dhënë 9 asistime në 34 ndeshje. Paraqitjet e tij kanë ndihmuar ekipin në garën për Kupën e Turqisë, ndërsa trajneri Fatih Tekke e ka konsideruar një lojtar kyç në repartin ofensiv.
Kontrata e re me Trabzonsporin do të zgjasë deri në vitin 2029, ndërsa paga e tij vjetore do të arrijë 3.5 milionë euro. Në total, klubi ka shpenzuar 9.5 milionë euro për të, duke përfshirë edhe shumën e paguar për huazimin fillestar prej 1 milion eurosh.
Dita e fundit për ushtrimin e opsionit është 20 maji. Burimet turke raportojnë se marrëveshja pritet të zyrtarizohet pa vështirësi, pasi të dy klubet kanë arritur pajtim mbi kushtet.
Përditësime
Ernest Muçi u bë futbollisti me rrogën më të lartë në kombëtaren shqiptare me 3.5 milionë euro, duke tejkaluar Mario Mitajn me 3 milionë euro. Ai ka shënuar 11 gola në Super Lig dhe ka dhënë 5 asistime në Kupë. Trabzonspor ndodhet në vendin e tretë, ka siguruar Ligën e Konferencës dhe mund të arrijë në Ligën e Europës nëse fiton Kupën e Turqisë më 22 maj kundër Konyasporit. Blerja u finalizua për 8.5 milionë euro para datës 20 maj.