Klubi Trabzonspor ka vendosur të sigurojë të drejtat e plotë të sulmuesit të Kombëtares shqiptare Ernest Muçi, 24 vjeç, pas një huazimi nga Beşiktaş në fillim të sezonit.
Drejtuesit e klubit, duke ndjekur rekomandimin e trajnerit Fatih Tekke, kanë miratuar pagesën e parë për të aktivizuar opsionin e blerjes. Muçi ka kontribuar me 13 gola dhe 5 asiste në 23 ndeshje të Süper Lig-ut dhe Kupës së Turqisë, duke u bërë një nga lojtarët më produktivë të ekipit.
Marrëveshja e huazimit përfshinte 1 milionë euro pagesë fillestare dhe opsion blerjeje prej 8,5 milionë eurosh. Shuma e huazimit do të zbritet nga totali, duke lënë 7,5 milionë euro për t’u paguar në 5 këste të barabarta. Me pagesën e parë prej 1,5 milionë eurosh, kartoni i lojtarit kalon zyrtarisht te Trabzonspor.
Ky transferim shihet si hapi i parë për përforcimin e skuadrës drejt sezonit 2026-2027. Trabzonspor, i pozicionuar disa pikë pas liderëve në kampionat, synon stabilitet në sulm me mbajtjen e Muçi-t si shtyllë kryesore.
Beşiktaş e kishte transferuar Muçi-n nga Legia Varshavë për 10 milionë euro në sezonin 2023-2024. Lojtari vetë ka shprehur dëshirën për të qëndruar në Turqi, ndërsa bordi drejtues po përmbush procedurat administrative.
Përditësime
Fotomaç raporton dyshime mbi pagesën: Trabzonspor paguan vetëm 1 mln euro për huazimin e Ernest Muçit, ndërsa Beşiktaş pret 8.5 mln euro të tjera përveç huazimit.
Ernest Muçi shënoi 10 gola deri në fund të nëntorit.