Një ngjarje e rëndë është regjistruar paraditen e kësaj të diele, më 21 qershor 2026, në bregdetin e Durrësit. Një 11-vjeçar, banues në Tiranë, ka ndërruar jetë si pasojë e mbytjes në det.
Sipas njoftimit zyrtar të Policisë së Durrësit, ngjarja është raportuar rreth orës 10:35 në lagjen nr. 13. Në momentin e incidentit, i mituri ishte duke u larë në ujë kur, sipas informacioneve paraprake, dyshohet se është mbytur aksidentalisht.
Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes, si dhe për përcaktimin e shkakut zyrtar të mbytjes.