Mbrëmjen e 15 janarit 2026, rreth orës 22:15, në zonën e urës së Dajlanit, në lagjen nr. 4 të Durrësit, një automjet doli nga rruga dhe ra nga mbikalimi.
Mjeti drejtohej nga shtetasi Arbër Xhaxhaj, 26 vjeç, banues në Fier. Ai lëvizte në aksin Tiranë–Durrës në gjendje të dehur dhe me shpejtësi shumë të lartë, sipas burimeve policore.
Si pasojë e aksidentit humbi jetën pasagjerja Vikena Greku, 18 vjeçe, e cila ndodhej në automjet bashkë me drejtuesin.
Policia ka nisur hetimet për zbardhjen e plotë të rrethanave të aksidentit. 26-vjeçari Arbër Xhaxhaj është shoqëruar për veprime të mëtejshme procedurale.