Një ngjarje tragjike është raportuar këtë të mërkurë, më 29 korrik 2026, në zonën e Domenit të Postribës. Një zjarr ka përfshirë një shtëpi të vjetër, duke shkaktuar humbjen e jetës së një fëmije.
Sipas informacioneve të deritanishme, nëna dhe dy fëmijët kishin shkuar në këtë banesë, e cila ishte e pabanueshme. Forcat zjarrfikëse, të cilat kanë mbërritur në vendngjarje, kanë bërë të mundur gjetjen e trupit të pajetë të njërit prej fëmijëve. Aktualisht, vijojnë operacionet e kërkimit për nënën dhe fëmijën tjetër, të cilët dyshohet se kanë mbetur gjithashtu viktima të kësaj tragjedie.
Ndërhyrja e forcave zjarrfikëse është vështirësuar për shkak të terrenit malor, pasi banesa ndodhet rreth 30 minuta në këmbë larg rrugës ku mund të kalojnë automjetet. Gjithashtu, autoritetet kanë bërë me dije se njoftimi për zjarrin nuk është dhënë në kohën e duhur, çka ka bërë që banesa të digjej thuajse plotësisht përpara se ekipet e shpëtimit të mbërrinin në vendngjarje.