Josh Peterson, i Ngarkuari me Punë në Ambasadën e SHBA-së në Prishtinë, mori pjesë të premten në ceremoninë e transferimit të autoritetit të Task Forcës së Aviacionit të KFOR-it.
Ambasada e SHBA-së falënderoi komandantin në largim, nënkolonelin Snook, dhe Task Forcën Griffin për shërbimin e tyre të përkushtuar dhe kontributin në sigurinë dhe stabilitetin në Kosovë.
Në njoftimin e publikuar në Facebook, ambasada uroi mirëseardhje komandantit të ri, nënkolonelit Bryant, dhe Task Forcës Blackjack, ndërsa ata marrin përgjegjësinë për mbështetjen ajrore të KFOR-it.
Kjo mbështetje synon ruajtjen e stabilitetit në Kosovë dhe në të gjithë rajonin e Ballkanit Perëndimor.