Durim Bami është transferuar sot nga burgu i Fushë-Krujës drejt burgut të sigurisë së lartë në Peqin.
Më parë, ai kishte kërkuar transferimin nga burgu 313 në atë të Fushë-Krujës për shkak të rrezikut për jetën. Shkaqet e transferimit të ri nuk bëhen të njohura zyrtarisht, por një burim pranë sistemit penitenciar, i cituar nga gazetarja Anila Hoxha, thekson se siguria e Bamit është një nga arsyet kryesore.
Ditët e fundit, burgjet shqiptare përfshihen në kontrolle të gjera në çdo qeli, përfshirë ato të sigurisë së zakonshme. Këto masa, sipas planit të Drejtorisë së Përgjithshme të Burgjeve, synojnë pastrimin e qelive nga telefonat dhe sendet e ndaluara. Gjithashtu, ato bllokojnë takimet speciale të disa të burgosurve VIP, për të cilët ka të dhëna se zhvillojnë takime me gra që nuk janë bashkëshortet e tyre.