Shërbimet e Komisariatit të Policisë Vlorë arrestuan tre shtetas pas ngjarjes së ndodhur dje në lagjen Hajro Çakërri të Vlorës.
Të arrestuarit janë Xh. I., 31 vjeç, K. H., 34 vjeç, dhe M. Z., 20 vjeç, të gjithë banues në Vlorë.
Nga hetimet paraprake, dyshohet se ata kanosën me pistoletë sportive shtetasin L. S., 35 vjeç, banues në Vlorë, i cili ndodhej brenda automjetit të tij, për motive të dobëta. Pas kësaj, tentuan ta nxjerrin me forcë, duke e goditur me grushte dhe tytën e pistoletës.
35-vjeçari po merr mjekim në spital dhe është jashtë rrezikut për jetën.
Gjatë kontrollit në automjetin në pronësi të babait të K. H., policia gjeti të fshehur pistoletën sportive, e cila u sekuestrua si provë materiale bashkë me atë automjetin dhe automjetin e dyshuar si mjet largimi i autorëve.
Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprat penale “Kanosja” dhe “Plagosja e rëndë me dashje”, të kryera në bashkëpunim, si dhe “Prodhimi dhe mbajtja pa leje e armëve të gjuetisë dhe sportive”. Hetimet vijojnë.
Përditësime
Policia e Shtetit arrestoi në flagrancë Xhevair Islamaj (31 vjeç), Klodjan Hysenaj (34 vjeç) dhe Mario Zekaj (20 vjeç) për kanosje dhe dhunim të një 35-vjeçari në Vlorë. Sipas njoftimit zyrtar: "Gjatë kontrollit në flagrancë u arrestuan shtetasi Xhevair Islamaj, 31 vjeç, Klodjan Hysenaj, 34 vjeç dhe Mario Zekaj, 20 vjeç, për veprën penale 'kanosje' dhe 'dhunim personi'."