Donald Trump, presidenti i SHBA-së, deklaroi se vendi i tij po negociojnë me Iranin dhe se kjo mund të çojë në zhvillime pozitive.
"Do të ishte shumë mirë nëse do të mund të bënim diçka", tha ai, ndërsa i bëri thirrje Iranit të rihapë Ngushticën e Hormuzit, korridor kyç për tregtinë globale të naftës.
Në tone ironike, Trump e quajti atë "Ngushticën e Trumpit - dua të them, Hormuzin", duke shtuar se "nuk ka aksidente me mua" dhe se mediat do ta paraqesin si gabim të paqëllimshëm.
Duke folur për udhëheqjen iraniane, Trump u shpreh se lideri suprem "nuk është më suprem" dhe se Irani është "i vetmi vend ku askush nuk dëshiron të udhëheqë".
Ai përmendi se më parë ka riemërtuar Gjirin e Meksikës si Gjirin e Amerikës.
Në të njëjtën deklaratë, Trump shprehu zhgënjim të madh për NATO-n, duke thënë se "nëse do të kishte një luftë të madhe, ju garantoj se nuk do të ishin aty".
Ai kritikoi liderët evropianë Emmanuel Macron të Francës dhe Friedrich Merz të Gjermanisë, të cilët i quajti "miq", por i akuzoi për standard të dyfishtë.
"Ukraina nuk ishte lufta jonë, por ne i ndihmuam", nënvizoi Trump, duke kritikuar qëndrimin e tyre se konflikti me Iranin nuk është lufta e tyre.
Përditësime
Donald Trump tha se Irani dërgoi 10 anije cisternë si 'dhuratë' në negociata: fillimisht 2, pastaj 8 të tjera si kompensim.
Trump e quajti Mojtaba Khamenei-n udhëheqës suprem të Iranit.
Citate të reja nga Trump:
- Irani ka qenë shqetësim për 47 vjet, por tani është 'në arrati'.
- Ushtria amerikane është më e fuqishmja; ushtria iraniane është 'shkatërruar'.
- Irani do ta përdorte armën bërthamore nëse do ta kishte.
- NATO është 'tigër letre', duke aluduar në Luftën e Tretë Botërore.