Një ngjarje e rëndë ka ndodhur pasditen e 20 gushtit 2026 në zonën e Ujit të Ftohtë në Vlorë, ku një shtetas italian ka pësuar dëmtime serioze. Incidenti është regjistruar në dalje të tunelit, në një terren shkëmbor.
Sipas informacioneve paraprake, turisti ka pësuar traumë të rëndë në kokë pas rënies nga lartësia. Ekipet e urgjencës mjekësore kanë mbërritur menjëherë në vendngjarje dhe kanë transportuar të dëmtuarin drejt spitalit rajonal të Vlorës. Pacienti ndodhet në repartin e emergjencës në gjendje kritike, nën kujdesin e rreptë të mjekëve.
Autoritetet janë duke punuar për sqarimin e rrethanave të plota të ngjarjes, pasi raportimet mbi shkaqet e rënies janë të ndryshme.
Përditësime
Hetuesit po shqyrtojnë mundësinë se shtetasi italian është hedhur me dashje nga shkëmbi, duke u larguar nga hipoteza e një rrëshqitjeje aksidentale. Burime nga grupi hetimor konfirmuan se incidenti ndodhi në zonën shkëmbore menjëherë pas daljes nga tuneli i Ujit të Ftohtë.