Federata Polake e Futbollit ka njoftuar FSHF-në për udhëzime të rëndësishme për tifozët shqiptarë që do të udhëtojnë në Varshavë për ndeshjen Poloni-Shqipëri më 26 mars ora 20:45 në stadiumin PGE Narodowy.
Tifozët këshillohen të ndjekin këto udhëzime për organizim më të mirë të udhëtimit dhe hyrjes në stadium.
Pika e grumbullimit
Policia polake ka dhënë leje për pikën e grumbullimit te Monumenti i Sirenës pranë lumit Vistula. Ajo do të sigurojë rendin në Fan Meeting Point.
Orari dhe hyrja në stadium
- Dyert hapen ora 18:45, ndeshja nis ora 20:45.
- Tifozët duhet të mbërrijnë herët për të shmangur radhët.
- Mos merrni bagazhe ose çanta të mëdha të panevojshme.
- Hyrja e dedikuar: Gate 10 në anën verilindore (rruga Siwca).
- Pas kontrollit të parë, ndiqni hyrjen L sipas biletës.
- Për persona me aftësi të kufizuara: Gate 1.
Transporti drejt stadiumit
Stadiumi ndodhet 3.2 km nga qendra e qytetit. Rekomandohet transporti publik:
- Metro: Stadion Narodowy.
- Tramvaj/autobus: Rondo Waszyngtona, Aleja Zieleniecka.
- Tren urban: Warszawa Stadion.
- Këmbë: rreth 35 minuta.
Bileta e ndeshjes shërben si biletë transporti publik falas në Varshavë (vlefshme nga ora 06:00 deri 01:00 ditën e ndeshjes).
Parkimi
Tifozët me automjet ose autobus përdorin zonën e dedikuar në rrugën Sokola, me hyrje nga rrugët Wybrzeże Szczecińskie dhe Zamoście. Çdo automjet vendos fletë A4 me shkronjën “A” në xham.
Rregulla hyrjeje dhe ndalime
Bileta është e detyrueshme, mund të kërkohet identifikimi. Hyrja vetëm me biletë elektronike. Nuk lejohet rikthimi pas daljes.
Ndalohet:
- Mjete piroteknike, shishe, kanaçe, qelq.
- Alkool, substanca narkotike.
- Materiale raciste ose politike.
- Kamera profesionale, dronë, lazer.
- Çanta më të mëdha se 25x25x25 cm.
- Ushqim dhe pije të jashtme.
Në stadium ka ushqime dhe pije joalkoolike, pagesa me karta VISA ose MasterCard. Tifozët mysafirë konsumojnë pijet në korridore.