UEFA ka vendosur të ndryshojë kalendarin e skuadrave kombëtare duke nisur nga sezoni 2028/2029, pas përfundimit të Kampionatit Evropian të vitit 2028. Modeli i ri do të jetë i ngjashëm me formatin aktual të Ligës së Kampioneve.
Nations League do të kalojë nga katër liga në tri liga me nga 18 skuadra. Secila ligë do të ndahet në tre grupe me nga gjashtë ekipe, ndërsa Liga C do të ketë edhe një grup me shtatë skuadra. Çdo kombëtare do të luajë gjashtë ndeshje: pesë kundër ekipeve nga vazo të ndryshme dhe një ndaj një skuadre nga e njëjta vazo, brenda ose jashtë fushe.
Kualifikueset evropiane për Botëror do të ndahen në dy kategori. League 1 do të përfshijë 36 skuadrat e Ligave A dhe B të Nations League, të ndara në tre grupe me nga 12 ekipe. League 2 do të organizohet me skuadrat e mbetura. Skuadrat më të mira në çdo grup të League 1 do të kualifikohen direkt, ndërsa të tjerat do të garojnë në playoff.
Fazat finale, përfshirë çerekfinalet, Final Four dhe ndeshjet për ngjitje e rënie, do të mbeten pjesë e formatit pa ndryshime të mëdha. UEFA synon të krijojë më shumë ndeshje me interes dhe rivalitet më të madh mes kombëtareve.
Përditësime
Komiteti Ekzekutiv i UEFA-s miratoi në parim formatin e ri të Nations League gjatë mbledhjes së të mërkurës në Stamboll. Liga 2 do të ketë 18 ose 19 skuadra, ndërsa në Liga 1 skuadrat do të luajnë dy ndeshje kundër ekipeve nga çdo vazo. Skuadrat pritëse të turneut final do të marrin pjesë në eliminatore me objektiva të lidhura me Nations League. Koncepti do të detajohet më tej dhe do të miratohet përfundimisht në shtator.