Ukraina ka shpallur gjendje të jashtëzakonshme në sektorin e energjisë së vendit, me fokus të veçantë në Kiev, pasi sulmet e vazhdueshme ruse kanë lënë mijëra banorë pa energji elektrike. Kjo masë erdhi më 15 janar 2026, në kushte të ashpra dimërorë, ku temperaturat gjatë natës në kryeqytet ranë në rreth -20 gradë Celsius.
Presidenti Volodymyr Zelensky akuzoi Moskën për shfrytëzim të qëllimshëm të këtyre kushteve si pjesë e strategjisë së luftës. Pas një takimi të posaçëm të kabinetit, ai njoftuan krijimin e një grupi pune që vepron 24 orë në ditë për riparimin e dëmeve nga sulmet dhe përkeqësimi i motit. Masat përfshijnë sigurimin e pajisjeve dhe burimeve jetësore të energjisë nga jashtë për zëvendësimin e instalimeve të dëmtuara.
Në javët e fundit, sulmet ruse me raketa dhe dronë ndaj Kievit kanë ndërprerë furnizimin me energji, ngrohje dhe ujë të rrjedhshëm. Pas një nate intensive sulmesh javën e kaluar, 70% e kryeqytetit mbeti pa energji elektrike për disa orë.
Në të njëjtën kohë, presidenti amerikan Donald Trump akuzoi homologun ukrainas se po pengon përpjekjet për një marrëveshje paqeje që do t’i jepte fund gati katër viteve luftë me Rusinë. Në një deklaratë për Reuters të mërkurën, ai tha se Zelensky "është më pak i gatshëm për të bërë një marrëveshje" sesa presidenti rus Vladimir Putin. Kur u pyet pse bisedimet e paqes nuk e kanë zgjidhur ende konfliktin, Trump u përgjigj: "Zelensky".
Të dy udhëheqësit pritet të marrin pjesë në Forumin Ekonomik Botëror në Zvicër javën e ardhshme, megjithëse Trump deklaroi se nuk ka plane zyrtare për një takim.