Sipas të dhënave të Bankës së Shqipërisë, në janar qarkulluan 481 miliardë lekë në formën e kartëmonedhave jashtë sistemit bankar, duke shënuar ulje me 2 miliardë lekë krahasuar me dhjetorin e vitit të kaluar.
Kjo rënie përkon me vendosjen e tavaneve të reja të pagesave cash, të përcaktuara nga Ministria e Financave, me synim uljen e parasë fizike në ekonominë e vendit.
Që nga 1 janari i këtij viti, transaksionet cash midis individëve lejohen deri në 500 mijë lekë. Për bizneset, pagesat në dorë nuk mund të kalojnë 100 mijë lekë, ulje nga kufiri i mëparshëm prej 150 mijë lekësh.
Vendosja e këtyre tavaneve ka ndikuar në uljen e parasë fizike në muajin e parë të zbatimit, megjithëse bëhet fjalë për një rënie të lehtë.