Portieri i kombëtares së Spanjës, Unai Simon, ka dhënë vlerësimin e tij mbi formën e sulmuesit Cristiano Ronaldo përpara sfidës së raundit të 16-të në Kupën e Botës. Gjatë një konference për shtyp, portieri i Athletic Bilbaos u shpreh se Ronaldo nuk është më i njëjti lojtar si ai i gjashtë ose shtatë viteve më parë, kur ishte pjesë e Real Madridit.
Megjithatë, Simon pranoi aftësitë e portugezit, duke paralajmëruar skuadrën e tij për rrezikun që ai paraqet nëse lihet i lirë pranë portës. "Duhet ta mbajmë sa më larg zonës së 16-metërshit, sepse kur ndodhet aty, ai bëhet vendimtar", deklaroi portieri spanjoll. Ky koment vjen në prag të ndeshjes ku Spanja synon kalimin në çerekfinale kundër Portugalisë.
Kjo përballje pritet të jetë mjaft e luftuar. Në përballjen e tyre të fundit, Ronaldo shënoi golin vendimtar në finalen e Ligës së Kombeve. Ndeshja do të zhvillohet të hënën, në orën 21:00.