Ushtria e Serbisë zhvilloi një stërvitje ushtarake të pazakontë gjatë orëve të mëngjesit të 18 marsit 2026, pranë vijës kufitare me Kosovën. Ngjarja ndodhi në zonat e Breznicës, Muhovcit dhe Karaqevës, duke shkaktuar shqetësim te banorët në brendësi të Kosovës.
Gjatë stërvitjes, një helikopter lëshoi rreth 6 parashutistë në zonën e Breznicës, ndërsa helikopteri tjetër vazhdoi drejt Muhovcit dhe Karaqevës, ku u lëshuan parashutistë të tjerë. Sipas policisë kufitare të Kosovës, dy helikopterë qarkulluan në hapësirën përreth, duke bërë disa xhiro përgjatë kufirit.
Një banor raportoi se helikopterët kishin hyrë edhe në territorin e Kosovës. Policët e cilësuan aktivitetin si të pazakontë dhe të parealizuar më parë pranë kufirit.
Banorët, kryesisht jashtë kamerës, shprehën shqetësim për zhurmat e helikopterëve dhe lëvizjet në ajër, që krijuan pasiguri dhe frikë.