Një vajzë 10-vjeçare u sulmua pasditen e 19 marsit në qytetin e Pogradecit, në lagjen nr. 4, në hyrje të lagjes Goricë.
Sipas burimeve, në vendin e ngjarjes ndodheshin dy vajza të mitura. Qeni i fqinjit kafshoi njërën prej tyre dhe e tërhoqi zvarrë për disa metra, duke i shkaktuar lëndime që kërkuan ndërhyrje mjekësore të menjëhershme.
E mitura u dërgua me urgjencë në spitalin e Pogradecit, ku po merr ndihmën e nevojshme mjekësore.
Banorët e lagjes raportojnë se ky qen ka qenë problematik prej kohësh dhe ka krijuar shqetësim të vazhdueshëm për komunitetin. Ata kanë bërë ankesa dhe apelime të përsëritura, por pronari nuk ka marrë masa për të parandaluar rrezikun.
Ngjarja është referuar për procedim penal nga autoritetet përkatëse.