Të shtunën, në Kalithea të Greqisë, një vajzë 2-vjeçare ra në shatërvanin e sheshit Kyprou, pasi për disa çaste doli nga vëmendja e prindërve të saj. Fëmija po luante në shesh kur kalimtarët e panë atë dhe njoftuan një patrullë policie të afërt.
Efektivët e policisë reaguan menjëherë, e nxorën vajzën nga uji dhe e transportuan me makinë patrullimi në Spitalin Pediatrik Aglaia Kyriakou. Mjekët kryen ndërhyrje reanimimi për rreth 40 minuta dhe e rikthyen në jetë, por gjendja e saj mbetet kritike dhe ajo është e shtruar në njësinë e kujdesit intensiv.
Gjatë hetimeve, autoritetet konstatuan se prindërit kishin deklaruar te mjekët se vajza ishte 5-vjeçe, ndërsa u vërtetua se ishte vetëm 2-vjeçe. Kjo ngriti dyshime për neglizhencë në mbikëqyrje.
Policia greke arrestoi babanë, një 25-vjeçar me origjinë shqiptare, dhe mori nën hetim nënën 23-vjeçare në gjendje të lirë. Ajo ndodhet pranë vajzës në spital, nën mbikëqyrjen e policisë.
Të dy prindërit do të dalin para prokurorit ditën e hënë me akuzën e neglizhencës në mbikëqyrjen e një të mituri. Ndaj tyre është ngritur çështje penale për "ekspozimin e një të mituri ndaj rrezikut". Hetimet vazhdojnë për zbardhjen e rrethanave.
Përditësime
Kamerier grek nga një lokal pranë shatërvanit në Kalithea kryen CPR fillestare te vajzën 2-vjeçare, duke pretenduar se ishte mjek për të ndërhyrë në panikun e turmës që po e shkundte dhe rrezikonte dëmtime të mëtejshme. Nuk kishte ndihmë të shpejtë adekuate në vendngjarje. Sipas Protothema, ai rrëfen: "Nuk kishte puls. Fillova CPR. Vjelli ujë nga goja. Kontrollova frymëmarrjen."
ATHINA - Të dy prindërit e vajzës 2-vjeçare janë arrestuar dhe ndaluar në Departamentin e Hetimit Penal në Kallithea. Ata pritet të dalin para prokurorit sot.
Zhvillime të reja:
- Prindërit ndodheshin në një kafene pranë sheshit me një grup të madh njerëzish; vajza ishte ulur në një karrige.
- Babai, 26-vjeçar, e gjeti vajzën me fytyrën poshtë në shatërvan.
- Punëtori i restorantit deklaroi: «Fillimisht pa grumbullin e njerëzve dhe mendoi se ishte gëzim; vajza nxori lëng nga goja pas CPR-së; prindërit e morën vajzën pavarësisht këshillës dhe u larguan me policinë.»