Analisti Lorenc Vangjeli, i ftuar në studion e emisionit “Trialog” të moderuar nga Alba Alishani, ka komentuar situatën politike në vend dhe raportin mes dy forcave kryesore, Partisë Socialiste dhe Partisë Demokratike.
Sipas tij, Partia Socialiste, e drejtuar nga kryeministri Edi Rama, nuk ka nevojë të angazhohet fort për të fituar zgjedhjet. “Edhe këtë herë, më shumë se sa herë të tjera, partia e drejtuar nga kryeministri Edi Rama nuk ka nevojë t’i fitojë zgjedhjet. Ajo thjesht mund të presë me qetësi se si do t’i humbasë zgjedhjet kundërshtari”, u shpreh Vangjeli.
Ai vlerësoi se Partia Demokratike ende nuk është në nivelin e duhur për të qenë konkurruese në garën elektorale. “PD-ja ende nuk është në nivelin për të qenë konkurruese”, theksoi Vangjeli, duke nënvizuar mungesën e organizimit dhe të alternativës si faktorë që e vendosin opozitën në një pozicion të dobët përballë mazhorancës.