Zef Krasniqi, një fëmijë 3-vjeçar me prejardhje nga Nepolja e Pejës, ka ndërruar jetë në Gjermani më 23 mars 2026. Dyshohet se ai ka rënë në lumin Sieg në qytetin Siegen disa ditë më parë, gjatë një aktiviteti me fëmijë të tjerë nën mbikëqyrje.
Sipas mediave lokale si Peja në Fokus dhe RTL West, fëmija u gjet në ujë, u reanimua në vendngjarje dhe u dërgua në spital në gjendje kritike. Ai qëndroi për disa ditë në koma, para se të ndërronte jetë.
Familja ka konfirmuar këto detaje për portalin Peja në Fokus. Për ceremoninë e varrimit nuk janë dhënë ende informacione.