Një fëmijë trevjeçar me iniciale Z.K., me prejardhje nga Peja, ka vdekur në Gjermani pas rënies në lumin Sieg River. Ngjarja ndodhi më 17 mars në qytetin e Siegen, ndërsa vogëlushi ndërroi jetë më 23 mars 2026 në spital, pas gati një jave në koma.
Fëmijët e një çerdheje kishin dalë për një aktivitet pranë ujit, nën mbikëqyrjen e edukatorëve. Sipas German Red Cross-it, që menaxhon institucionin, tetë kujdestarë po përkujdeseshin për 46 fëmijë.
Në një moment u vu re mungesa e trevjeçarit. Kujdestarët nisën kërkimet dhe e gjetën shpejt në lumë, nga ku e nxorën. Ekipet emergjente e reanimuan në vendngjarje dhe e dërguan në spital në gjendje kritike.
Policia ka deklaruar se nuk ka indikacione për ndonjë vepër të qëllimshme dhe rasti trajtohet si aksident tragjik.