Një 30-vjeçar, i lindur në vitin 1996, ka ndërruar jetë në Klinikën Emergjente të Qendrës Klinike Universitare të Kosovës (QKUK) si pasojë e plagëve nga arma e zjarrit.
Ngjarja ka ndodhur në rrugën "Dëshmorët e Marecit" në Prishtinë, rreth orës 15:30. Viktima kishte arritur në gjendje të rëndë në Emergjencë, ku pavarësisht masave të marra nga ekipi mjekësor, nuk i ka mbijetuar plagëve dhe ka vdekur në orën 18:20.
Lajmin e ka konfirmuar drejtori i Klinikës Emergjente, Naser Syla, i cili deklaroi se personi kishte ardhur me plagë nga arma e zjarrit dhe nuk i kishte bërë ballë lëndimeve.
Policia e Kosovës u njoftua menjëherë për incidentin. Zëdhënësi për rajonin e Prishtinës, Enis Pllana, bëri të ditur se njësitë policore dhe ekipi emergjent kanë dalë në vendngjarje. Personi u dërgua për trajtim mjekësor, ndërsa hetimet po zhvillohen për të sqaruar rrethanat e plagosjes.
Autoritetet po kryejnë veprimet e nevojshme hetimore për të përcaktuar shkaqet dhe rrethanat e ngjarjes.