Një mashkull rreth 44-vjeç, i lindur në vitin 1982, ka ndërruar jetë në Klinikën Emergjente të Qendrës Klinike Universitare të Kosovës (QKUK), pas një rënieje nga lartësia në Prizren.
Viktima fillimisht ishte dërguar në Spitalin e Prizrenit dhe më pas në QKUK, ku pranoi lëndime të shumta trupore, politraumë të rëndë dhe gjendje jostabile.
Drejtori i Klinikës Emergjente të QKUK-së, Naser Syla, ka konfirmuar ngjarjen. Ai ka thënë se pacienti nuk arriti t’i përballojë lëndimet e rënda, pavarësisht përpjekjeve të stafit mjekësor.
"Pacienti kishte rënë nga lartësia. Kishte lëndime të shumta trupore, politraumë të rëndë, gjendje jostabile. Nuk arriti t’i përballojë lëndimeve të rënda dhe ka ndërruar jetë në Qendrën Emergjente", ka deklaruar Syla.
Rrethanat e aksidentit mbeten nën hetim.