Një ngjarje e dhunshme u regjistrua këtë të diel në zonën e Skelës në Vlorë, ku dy shitës biletash për turet turistike me anije u përfshinë në një konflikt fizik. Sipas të dhënave, sherri dyshohet se lindi për shkak të konkurrencës për tërheqjen e klientëve në këtë zonë.
Gjatë përplasjes, shtetasi Edmond Gorishova dyshohet se ka goditur me thikë shtetasin Dhimo Thomini. I dëmtuari u dërgua për ndihmë mjekësore në Spitalin e Vlorës, ku mjekët konstatuan se plaga është sipërfaqësore dhe ai ndodhet jashtë rrezikut për jetën.
Forcat e policisë kanë mbërritur në vendin e ngjarjes dhe kanë bërë të mundur arrestimin e autorit të dyshuar. Ndërkohë, vijojnë veprimet hetimore për dokumentimin e plotë të rrethanave të këtij konflikti.