Presidentja e Komisionit Evropian, Ursula von der Leyen, deklaroi se Bashkimi Evropian po punon për rregulla të reja që kufizojnë funksionimin e platformave të mediave sociale. Kjo u tha gjatë një fjalimi të mbajtur të martën në Kopenhagen, më 12 maj 2026.
Sipas saj, dëmet e shkaktuara fëmijëve dhe adoleshentëve nga ekspozimi në rrjetet sociale nuk janë rastësore. Ato lidhen drejtpërdrejt me modelet e biznesit që trajtojnë vëmendjen e të rinjve si mall tregu.
BE po përqendrohet te platforma specifike si TikTok, X dhe aplikacionet e Meta, përfshirë Instagram dhe Facebook. Qëllimi i këtyre rregullave është krijimi i një hapësire digjitale më të sigurt për të rinjtë në Bashkimin Evropian, duke kufizuar mekanizmat që nxisin varësinë dhe ekspozimin e tepërt ndaj përmbajtjeve online.
Përditësime
Ursula von der Leyen ka njoftuar masa specifike kundër platformave sociale. Komisioni Evropian synon masa të menjëhershme ndaj:
- TikTok për scroll-in e pafund, riprodhimin automatik dhe njoftimet push;
- Meta, për moszbatimin e kufirit minimal të moshës 13 vjeç;
- X, për përdorimin e Grok AI në krijimin e imazheve seksuale me gra dhe fëmijë.
Deri në fund të vitit, masa kundër praktikave të varësisë si kapja e vëmendjes, kontratat komplekse dhe kurthat e abonimeve. Von der Leyen mbështet rregulla të rrepta për ndalimin e aksesit të adoleshentëve nën një moshë të caktuar.