Ursula von der Leyen, kryetare e Komisionit Europian, u bëri thirrje Shteteve të Bashkuara dhe Iranit të ulen në tryezën e negociatave për të dhënë fund menjëherë bllokimit të Ngushticës së Hormuzit dhe tensionit në Lindjen e Mesme. Komentet e saj u bëri më 24 mars 2026, gjatë një vizite në Australia për nënshkrimin e një marrëveshjeje të re tregtare.
Von der Leyen theksoi se përpjekjet e Iranit për të mbyllur këtë rrugë strategjike detare, përmes sulmeve ndaj anijeve tregtare të paarmatosura dhe infrastrukturës kritike, vendosjes së minave, sulmeve me dronë dhe raketa, "duhet të dënohen". Ajo kërkoi ndërprerjen e menjëhershme të këtyre veprimeve, duke vënë në dukje se situata ndikon furnizimin me energji në mbarë botën.
"Ne të gjithë po i ndiejmë pasojat indirekte mbi çmimet e gazit dhe naftës… por është jashtëzakonisht e rëndësishme të arrijmë një zgjidhje të negociuar, dhe t’i jepet fund armiqësive që shohim në Lindjen e Mesme", deklaroi ajo në një fjalim para parlamentit australian në Canberra.
Në të njëjtën kohë, Von der Leyen paralajmëroi se Australia nuk mund të mbështetet më te distanca gjeografike për t’u mbrojtur nga lufta dhe kaosi. "Vendet që kanë ndërtuar modele ekonomike mbi premisën e stabilitetit dhe sigurisë, përballen sot me një realitet të ri. Bota në të cilën jetojmë është brutale, e ashpër dhe e pamëshirshme. Duket e kthyer përmbys. Siguria që ne njihnim, tashmë është vënë në diskutim", shtoi ajo.
Deklaratat vijnë në mes të raporteve se përfaqësuesi i posaçëm i Donald Trump-it, Steve Witkoff, dhe dhëndri i tij, Jared Kushner, po komunikojnë me kryetarin e parlamentit iranian, Mohammad Bagher Ghalibaf, për negociata të mundshme paqeje.
Përditësime
Disa vende të BE-së po përgatiten të kontribuojnë në misionin për mbrojtjen e Ngushticës së Hormuzit pas përfundimit të luftës.
Ursula von der Leyen deklaroi: «Jam thellësisht e shqetësuar për konfliktin», dënoi sulmet e fundit në Gjirin Persik dhe u bëri thirrje SHBA-së e Iranit për negociata urgjente.