Shqipëria do të ndikohet sot, të martën më 10 shkurt 2026, nga kushte atmosferike të paqëndrueshme, sipas Shërbimit Hidrometeorologjik.
Moti parashikohet me vranësira mesatare deri të dendura, si dhe alternime të herëpashershme me kthjellime kryesisht përgjatë ultësirës perëndimore. Vranësirat e dendura do të shoqërohen me reshje shiu të herëpashershme me intensitet të ulët në pjesën më të madhe të territorit.
Përgjatë orëve të pasdites deri në orët e vona të mbrëmjes, në ultësirën perëndimore reshjet do të marrin formën e shtrëngatave.
Era do të fryjë me drejtim kryesor nga kuadrati i jugut, me shpejtësi mesatare 4 m/sek. Ajo hera-herës, përgjatë vijës bregdetare dhe zonave luginore, pritet të fitojë shpejtësi deri në 10 m/sek.
Valëzimi në detet Adriatik dhe Jon është i forcës 1-3 ballë.
Përditësime
Parashikimi i ri është për 11 shkurt 2026.
Zhvillimet kryesore:
- Reshje dëbore të lehta në Alpet dhe relievet malore në verilindje-juglindje.
- Erë nga drejtimi juglindje-jugperëndim, shpejtësi mesatare 7 m/s (deri 17 m/s).
- Valëzim në det 3-4 ballë.