Një person ka mbetur i vdekur dhe një tjetër i plagosur në rrugën “Vëllezërit Frashëri” në Gjakovë, rreth orës 05:30 të 16 marsit 2026.
Policia e Kosovës ka dalë menjëherë në vendngjarje, ka njoftuar prokurorin e shtetit dhe po kryen hetimet për arrestimin e të dyshuarit si dhe zbardhjen e rrethanave.
Prokuroria Themelore e Gjakovës, përmes zëdhënësit Drin Domi, konfirmoi se është iniciuar rast për veprën penale “Vrasje e rëndë”. I dyshuari është identifikuar dhe ndodhet në arrati. Kryeprokurori ka qenë në vendngjarje, ndërsa trupi i pajetë i viktimës është dërguar në IML për obduksion.