Një ngjarje e rëndë kriminale ndodhi rreth orës 00:40 në aksin rrugor Thumanë-Krujë, pranë fshatit Bushnesh, ku Petrit Ndou, 57 vjeç banues në Pukë, mbeti i vdekur pas një konflikti me Andi Vokri, 28 vjeç banues në Mamurras.
Konflikti nisi nga një debat verbal për drejtimin e makinave, me fjalë si “Pse i jep makinës kështu? Do bëjmë aksident”, pas një përplasjeje të lehtë ose prekjeje të automjeteve. Situata u përshkallëzua në konflikt fizik, ku autori i dyshuar goditi viktimën me çekiç në kokë, duke i shkaktuar plagë fatale. Në vendngjarje u gjet çekiçi i përdorur.
Shërbimet e Policisë së Krujës intervuan menjëherë, kapën në flagrancë autorin e dyshuar dhe shoqëruan shtetas të tjerë që mund të kenë dijeni për ngjarjen. Për shkak të hetimit të vazhdueshëm, nuk jepen të dhënat e tyre.
Grupi hetimor, në drejtim të Prokurorisë, po mban pyetje me dëshmitarët okularë dhe analizon provat materiale për zbardhjen e rrethanave dhe motiveve. Policia do të japë informacion të plotë pas përfundimit të veprimeve hetimore.
Përditësime
Andi Vokri deklaroi: “Nuk doja ta vrisja, situata doli jashtë kontrollit!”
Ai goditi 57-vjeçarin disa herë me çekiç në kokë dhe trup; çekiçi ishte në makinën e tij.
57-vjeçari udhëtonte me bashkëshorten, ndërsa Vokri shoqërohej nga dy persona me lidhje të afërta. Të dy nuk njiheshin më parë.
Dëshmitarët e shoqëruar: Dhurata Ndreka, Gentjana Vokri, Kleo Ndou (30 vjeç nga Thumanë) dhe tre të tjerë.
Policia e Shtetit dyshon se autori ka qenë i dehur.
Policia e Shtetit konfirmoi arrestimet dhe akuzat për vrasje me dashje ndaj A. V..
Zhvillimet e reja:
- Arrestoi L. G. (26 vjeç) dhe F. K. (23 vjeç) për moskallëzim krimi; të pranishëm në konflikt dhe të larguar pas ngjarjes.
- Sekuestroi 2 automjete dhe mjetin e dyshuar për vrasje.