Artikulli u përditësua — Shiko përditësimet
Një atentat me armë zjarri u regjistrua mbrëmjen e 7 majit në Sarandë, ku humbi jetën Rexhep Ismaili, 66-vjeçar dhe pronar i një karburanti në zonë.
Sipas informacioneve paraprake, Ismaili u qëllua me një plumb në kokë dhe vdiq në vend. Ngjarja ndodhi në zonën Gjashtë të Sarandës.
Menjëherë pas ngjarjes, forca të shumta policie mbërritën në vendngjarje, rrethuan perimetrin dhe nisën veprimet hetimore. Grupi hetimor po grumbullon prova për zbardhjen e rrethanave dhe identifikimin e autorit ose autorëve.
Hetimet vazhdojnë për të sqaruar motivet dhe dinamikën e atentatit.
Përditësime
Rexhep Ismaili, kryetar i Shoqatës 'Çamëria'.
Ngjarja nisi me debat verbal që degjeneroi në konflikt fizik.
- Policia dyshon L.T.-në si autor; ai u largua me grupin dhe një të plagosur.
- Është plagosur edhe një shtetas tjetër i paidentifikuar.
- Policia e Shtetit ka ngritur pika kontrolli dhe po kontrollon spitalet.