Ka shqetësim të madh në kampin e përfaqësueses së Francës për gjendjen fizike të mbrojtësit William Saliba. Pas ekzaminimeve mjekësore, është konstatuar se dëmtimi i mëparshëm, i cili u përkeqësua gjatë përballjes kundër PSG-së, është më serioz nga sa ishte parashikuar fillimisht.
Stafi mjekësor i kombëtares franceze është duke e ndjekur situatën me kujdes, ndërsa periudha e rikuperimit mbetet e paqartë. Saliba, i cili luan në radhët e Arsenalit, konsiderohet një shtyllë kryesore në prapavijën e ekipit kombëtar dhe mungesa e tij do të përbënte një goditje të rëndë për skuadrën.
Në ditët në vijim priten vlerësime të tjera mjekësore. Këto kontrolle do të jenë vendimtare për të përcaktuar nëse mbrojtësi do të arrijë të rikuperohet në kohë për Botërorin 2026 ose nëse do të detyrohet të tërhiqet nga ky kompeticion.
Përditësime
Stafi mjekësor ka konfirmuar se dëmtimi i William Saliba është në shpinë, duke hedhur poshtë raportimet e mëparshme për një problem në kyçin e këmbës. Ekzaminimet e detajuara janë planifikuar për datën 1 qershor. Gjatë këtij sezoni, Saliba është aktivizuar në 50 nga 63 ndeshjet e mundshme. Franca është shortuar në Grupin I të Botërorit, përkrah Senegalit, Irakut dhe Norvegjisë.
William Saliba rrezikon pjesëmarrjen në Botërorin 2026 pas një dëmtimi të pësuar në finalen e Ligës së Kampioneve ndaj Paris Saint-Germain. Ndonëse luajti 120 minuta pavarësisht dhimbjeve, stafi mjekësor i kombëtares franceze konfirmoi se lojtari nuk është në gjendje të stërvitet. Aktualisht, ai po i nënshtrohet ekzaminimeve të specializuara në qendrën stërvitore Clairefontaine për të përcaktuar shkallën e dëmtimit.