Steve Witkoff, i dërguari special i Shteteve të Bashkuara, deklaroi se vendi i tij është në bisedë me Iranin. Kjo u bë e ditur në një intervistë ekskluzive për CNN më 3 maj 2026.
Witkoff u shpreh shkurt: “Jemi në bisedë”. Ai konfirmoi se kontaktet diplomatike janë në zhvillim, ndonëse pa dhënë detaje për ecurinë apo përmbajtjen e diskutimeve. Witkoff u pa së fundmi në shoqërinë e presidentit Donald Trump gjatë një eventi golfi në klubin Doral, ku u pyet nga gazetarët për dialogun me Teheranin.
Sipas një zëdhënsi të Ministrisë së Jashtme iraniane, SHBA i është përgjigjur propozimit të fundit të paraqitur nga Irani, ndërsa autoritetet në Teheran po e shqyrtjnë këtë përgjigje. Diskutimet mes palëve janë intensifikuar pas një periudhe stagnimi.
Witkoff ka qenë negociator kryesor i administratës amerikane në këto bisedime. Megjithatë, presidenti Trump nuk ka shfaqur optimizëm. Në një postim në rrjetet sociale, ai shkroi se nuk mund ta imagjinojë që propozimi iranian të jetë i pranueshëm dhe shtoi se Teherani “ende nuk ka paguar një çmim mjaftueshëm të madh për atë që i ka bërë njerëzimit”.
Zhvillimet tregojnë një hapje të re në dialogun mes dy vendeve, ndonëse tensionet mbeten të larta dhe rezultati i bisedimeve është i paqartë.