Janina Ymeri, kandidatja për deputete nga Lidhja Demokratike e Kosovës (LDK), reagoi më 6 shkurt 2026 lidhur me protestat kundër KEDS-it dhe KESCO-së për shtrenjtimin e rrymës.
Ajo vlerësoi se këto protesta devijojnë vëmendjen nga shkaktari kryesor, Kryeministri në detyrë Albin Kurti. Sipas saj, KEDS dhe KESCO nuk kanë mundësi ligjore për të miratuar rritjen e çmimit të energjisë elektrike apo për të importuar pa shkak.
Ymeri shkroi se rryma e shtrenjtë është vendim i Zyres së Rregullatorit për Energji (ZRRE) dhe i partisë në pushtet, për llogari të kompanive si NOA, EFT, GEN e të ngjajshme. Ajo thekson se, ndonëse ka arsye për të protestuar kundër KEDS-it, si investimet e vogla dhe tensioni i ulët, përgjegjësia kryesore nuk i takon operatorit shpërndarës.
Sipas saj, Vetëvendosja (VV) kontrollon Ministrinë e Ekonomisë dhe ZRRE-në. Në këtë qeverisje, adresa e përgjegjësisë është Zyra e Kryeministrit. Ymeri akuzon se për vite me radhë është punuar në favor të asaj që ajo e quan "Mafia Energjetike", duke detyruar KEDS-in të punojë si orë për tregtarët e energjisë, deri në 1 milionë euro në ditë.
Ajo shton se propaganda ka pretenduar se KEDS është shkaktari i vetëm i rritjes së çmimit, ndërsa vendimin e ka dhënë ZRRE.