Eduard Zaloshnja ka publikuar një analizë ku kundërshton idenë e një fronti plural opozitar pas deklaratës së Sali Berishës se Partia Demokratike do të kërkojë sistem zgjedhor kombëtar proporcional. Analistë të tjerë kanë folur për mundësi fronti opozitar që garon me Partinë Socialiste dhe Partinë Socialdemokrate, duke u mbështetur në pakënaqësinë e shqiptarëve me qeverisjen aktuale.
Sipas ekstrapolimit statistikor të sondazhit të tij të fundit për "Zërin e Shqiptarëve", vetëm 330 mijë banorë votojnë për partitë opozitare si PD, LSI, Mundësia, Shqipëria Bëhet dhe Bashkë. Ndërkohë, për PS dhe PSD votojnë rreth dyfishi.
Zaloshnja i referohet zgjedhjeve parlamentare të 11 majit 2025, ku PS dhe PSD morën 906 mijë vota të vlefshme, pa llogaritur votat e pavlefshme për ngatërresa me fletvotimet. Këto parti janë afruar në 1 milion vota që nga viti 2013.
Ai nënvizon se partitë opozitare duhet të fokusohen te tërheqja e 1 milion votuesish, pavarësisht sistemit zgjedhor. Një opozitë me Berishën në krye, argumenton ai, nuk mbledh as gjysëm milion vota.