Një zjarër shpërtheu në një pallat pranë QSUT-së në Tiranë, duke dëmtuar 71 apartamente. Ngjarja ndodhi të martën rreth orës 16:30, kur dyshohet se zjarri nisi nga mbeturinat e grumbulluara pranë marketit në katin e parë të ndërtesës.
Policia ka siguruar pamjet nga kamerat e sigurisë të bizneseve përreth. Sipas tyre, një i mitur shihet duke luajtur në pjesën e pasme të marketit, pranë fasadës ku ndodheshin kartonat. Nuk dallohet qartë momenti i ndezjes së zjarrit, por fëmija qëndron disa sekonda pranë mbeturinave. Rreth gjashtë minuta pas largimit të tij, në zonë doli tym.
Flakët u përhapën shpejt fillimisht në ambientet e marketit dhe më pas në të gjithë fasadën e pallatit, duke shkaktuar dëme të mëdha materiale dhe panik mes banorëve. Salla operative u njoftua për ngjarjen në orën 16:50.
Gazetarja Dorjana Bezat e Top Channel raporton se pamjet kanë cilësi të dobët. Dyshohet se zjarri erdhi nga veprimi i miturit ose nga një bisht cigareje i hedhur nga ballkonet e sipërme.