Në Asamblenë e Përgjithshme të Zakonshme Zgjedhore të Federatës Shqiptare të Futbollit (FSHF), të mbajtur më 16 shkurt 2026, u zgjodhën anëtarët e Komitetit Ekzekutiv për katër vitet e ardhshme.
Nga votat e delegatëve, anëtarët e zgjedhur janë:
• Anila Basha (47 vota pro)
• Armando Cungu (43 vota pro)
• Blendi Fevziu (40 vota pro)
• Edmond Hasanbelli (44 vota pro)
• Envi Hicka (38 vota pro)
• Erind Resuli (42 vota pro)
• Geri Çipi (41 vota pro)
• Gjergji Petro (27 vota pro)
• Lutfi Nuriu (43 vota pro)
• Pano Xhixho (33 vota pro)
Para votimit, Komisioni i Verifikimit njoftoi se ishin propozuar 13 kandidatë: Abdyl Kuriu, Anila Basha, Arben Dervishaj, Armando Cungu, Blendi Fevziu, Edmond Hasanbelli, Envi Hicka, Erind Resuli, Ervin Canollari, Geri Çipi, Gjergji Petro, Lutfi Nuriu dhe Pano Xhixho.
Dy kandidatë u tërhoqën nga gara: Abdyl Kuriu dhe Arben Dervishaj. Në fletën e votimit për kandidatët meshkuj ishin 10 emra për 9 vende vakante, ndërsa për vendin e gruas ishte vetëm Anila Basha.
Të gjithë delegatët u thirrën individualisht për të votuar. Komisioni i Verifikimit shpjegoi rregulloren dhe procedurat, duke siguruar zhvillim të rregullt të procesit.