Një zjarr i fuqishëm ka rënë pasditen e së hënës në zonën e Llamanit, në Himarë. Flakët kanë përfshirë një sipërfaqe të gjerë me bimësi në kodrat përreth.
Sipas raportimeve, përhapja e shpejtë e zjarrit është favorizuar nga erërat e forta që mbizotërojnë në zonë. Edhe pse shkaqet e sakta të incidentit mbeten për t'u përcaktuar, temperaturat e larta të stinës vlerësohen si faktori kryesor që ka ndikuar në këtë situatë.
Deri në këto momente, nuk raportohet për persona të lënduar, ndërsa dëmet përqendrohen kryesisht në bimësinë e zonës së prekur nga flakët.
Përditësime
Forcat zjarrfikëse ndodhen në vendngjarje dhe po punojnë për izolimin e flakëve të nisura rreth orës 09:00. Autoritetet konfirmojnë se nuk ka rrezik për banesat apo strukturat përreth zonës së prekur.