Në lagjen 5 të Durrësit, një banesë u përfshi nga flakët në mbrëmjen e 26 marsit 2026. Ngjarja shkaktoi alarm te banorët e zonës.
Banesa ndodhet ngjitur me një pallat të banuar shumëkatësh, ndërsa në anën tjetër shtrihet një pallat i pabanueshëm i dëmtuar nga tërmeti. Kjo situatë vështirësoi ndërhyrjen dhe rriti rrezikun e përhapjes së zjarrit.
Në vendngjarje mbërritën menjëherë forcat e policisë dhe shërbimit zjarrfikës, të cilat po punojnë për shuarjen e flakëve dhe parandalimin e përhapjes.
Deri tani nuk raportohet për persona të lënduar. Shkaqet e zjarrit nuk janë përcaktuar ende.