Një zjarr ka rënë gjatë pasdites së sotme në tarracën e një dyqani në Rrugën e Kavajës, në Tiranë. Flakët kanë shkaktuar përhapjen e një tymi të dendur, i cili ka mbuluar përkohësisht zonën përreth.
Forcat e Shërbimit Zjarrfikës kanë mbërritur menjëherë në vendngjarje dhe kanë bërë të mundur shuarjen e flakëve. Situata aktualisht është nën kontroll.
Autoritetet nuk kanë bërë ende të ditura shkaqet e rënies së zjarrit, ndërsa po punohet për zbardhjen e rrethanave të plota të këtij incidenti.