Gjatë ditës së sotme, një zjarr ka rënë në një lokal të vendosur në zonën e Triportit, në Zvërnec të Vlorës. Flakët kanë paraqitur rrezik për t'u përhapur drejt zonës pyjore të Pyllit të Sodës, një territor i pasur me pisha dhe bimësi të dendur. Pas njoftimit, shërbimet zjarrfikëse kanë mbërritur menjëherë në vendngjarje dhe kanë nisur ndërhyrjen për izolimin dhe shuarjen e vatrës.
Falë ndërhyrjes së shpejtë, forcat zjarrfikëse kanë bërë të mundur frenimin e zjarrit dhe shmangien e dëmeve në masivin pyjor. Autoritetet konfirmojnë se situata është normalizuar, ndërsa vijon monitorimi i zonës për të parandaluar çdo mundësi të riaktivizimit të flakëve. Aktualisht nuk raportohen persona të lënduar nga ky incident, ndërkohë që shkaqet e rënies së zjarrit mbeten ende të paqarta. Sipas informacioneve nga terreni, zjarri ka prekur ambientet e jashtme të biznesit.