Një zjarr ka rënë në zonën Pelivor, poshtë fshatit Gostivisht në bashkinë Kolonjë, duke shkaktuar dëme të konsiderueshme materiale, por pa pasoja në njerëz.
Flakët kanë përfshirë një stallë bagëtish, ku janë djegur rreth 40 kuintalë misër dhe elb, si dhe 150 dëngje jonxhë.
Sipas informacioneve paraprake, shkaku dyshohet të ketë qenë pakujdesia e pronarit në ambientin ku ai ndodhej.
Në vendngjarje kanë ndërhyrë forcat e Shërbimit Zjarrfikës të Kolonjës me dy mjete zjarrfikëse, të cilat kanë shuar flakët.
Ndërhyrja në kohë ka parandaluar përhapjen e zjarrit drejt një sipërfaqeje pyjore me lisa pranë stallës, duke shmangur pasoja më të rënda.
Përditësime
TV Klan raportoi se zjarri në stallën e bagëtive në Pelivor të Kolonjës ndodhi të hënën, më 23 mars.