Një zjarr ka rënë rreth orës 10:00 në rrugën Prokop Mina, në kompleksin Kika 1 të Tiranës, në katin e shtatë të një banese të marrë me qira nga shtetasit K. Sh. dhe S. Gj..
Flakët u përhapën me shpejtësi, duke detyruar ndërhyrjen e menjëhershme të ekipeve zjarrfikëse. Shtetasi A. K., i cili banonte një kat më lart, u asfiksua nga tymi dhe u dërgua në spital për ndihmë mjekësore. Ai ndodhet jashtë rrezikut për jetën.
Policia e Tiranës konfirmon se zjarri ka qenë aksidental. Grupi hetimor po punon në vendngjarje për sqarimin e rrethanave. Materialet procedurale iu referuan Prokurorisë së Tiranës për veprime të mëtejshme.