Një zjarr ka përfshirë tregun e fruta-perimeve në qytetin e Lushnjës gjatë orëve të para të mëngjesit.
Ngjarja ka ndodhur rreth orës 03:30 pas mesnate. Si pasojë e flakëve është djegur pothuajse gjysma e çatisë së tregut, si edhe raftet bashkë me mallrat që ndodheshin aty.
Deri tani nuk dihen shkaqet e rënies së zjarrit. Policia ka nisur hetimet dhe po verifikon pamjet e kamerave të sigurisë për të zbardhur rrethanat e ngjarjes.