Më 23 mars, mesditë, një zjarr ka përfshirë bimësinë e thatë në një kanal afër vendit të quajtur "Pushimi i Shoferit", në autostradën Lushnjë-Fier.
Zjarri, i ndihmuar nga era e fortë, po përparonte drejt bizneseve të zonës. Për këtë arsye u njoftuan policia dhe zjarrfikësit e Lushnjës.
Në vendngjarje mbërritën me urgjencë shërbimi i mbrojtjes nga zjarri i Bashkisë Lushnjë dhe Policia e Qarkullimit Rrugor. Ndërhyrja e tyre e shpejtë izoloj dhe shua vatërën e zjarrit, duke mos lejuar që flakët të përbënin rrezik për bizneset pranë.
Sipas zjarrfikësve, zjarri ka qenë aksidental dhe dyshohet se ka ardhur nga hedhja e një cigareje nga ndonjë automjet në lëvizje.
Sipas dy burimeve, paradoksal ishte fakti se e gjithë zona ishte e përfshirë nga reshje të dendura shiu, ndërsa vetëm në territorin ku shpërtheu zjarri kishte pasur reshje.