Një ngjarje me rrezik zjarri u regjistrua mbrëmjen e datës 8 shtator 2026 në periferi të qytetit të Gjirokastrës. Rreth orës 20:15, u njoftua për flakë në një kanal të vendosur ndërmjet Fushës së Aviacionit dhe një parcele bujqësore, të cilat kishin nisur të merrnin përmasa të konsiderueshme.
Menjëherë pas marrjes së njoftimit, në vendngjarje mbërriti një automjet zjarrfikës me efektivët përkatës. Falë ndërhyrjes së shpejtë, zjarrfikësit bënë të mundur izolimin dhe shuarjen e plotë të flakëve përpara se ato të shkaktonin dëme në pasuri apo në ambientet përreth.
Aktualisht, organet ligjzbatuese kanë nisur punën për zbardhjen e plotë të shkaqeve dhe rrethanave të kësaj ngjarjeje. Sipas të dhënave paraprake, po hetohet pista se zjarri mund të jetë shkaktuar në mënyrë të qëllimshme. Ngjarja është ndjekur nga gazetaret Entjola Budo dhe Brikena Metaj.