Një vatër zjarri është raportuar pasditen e sotme përgjatë autostradës Fier-Vlorë, duke krijuar vështirësi për qarkullimin rrugor. Flakët kanë përfshirë një gjatësi prej rreth 2 kilometrash bimësi në anë të rrugës, duke shkaktuar një tym të dendur që ka ulur ndjeshëm shikueshmërinë për drejtuesit e mjeteve.
Menjëherë pas sinjalizimit, në vendngjarje janë nisur disa mjete të shërbimit zjarrfikës, të cilat po punojnë për lokalizimin dhe shuarjen e flakëve, me qëllim parandalimin e përhapjes së zjarrit në sipërfaqe të tjera.
Autoritetet u kanë bërë apel qytetarëve që të tregojnë kujdes maksimal gjatë lëvizjes në këtë aks. Shoferët këshillohen të ulin shpejtësinë, të respektojnë sinjalistikën rrugore dhe udhëzimet e Policisë deri në normalizimin e plotë të situatës.