Zyra për Mbrojtje dhe Ndihmë të Viktimave ka trajtuar 58 raste gjatë javës së fundit, sipas njoftimit të bërë më 23 shkurt 2026.
Pjesa më e madhe, 50 raste, kanë qenë të lidhura me dhunë në familje. Rastet e tjera përfshijnë:
- 3 raste dhunimi;
- 1 rast sulm seksual;
- 1 rast ngacmimi seksual;
- 1 tentativë vrasjeje;
- 1 rast bashkëjetesë nën moshën 16 vjeç;
- 1 rast shkeljeje të urdhrit të mbrojtjes (UM).
Gjatë kësaj periudhe, janë parashtruar:
- 11 Kërkesa për Urdhër Mbrojtjeje (KUM) në gjykatë;
- 10 Kërkesa për Urdhër Mbrojtjeje Emergjente (KUME);
- 2 KUME të përkohshme;
- 1 kërkesë për ndryshim UM;
- 2 kërkesa për ndërprerje UM.
Zyra ka miratuar 21 aktvendime, ka mbajtur 85 seanca gjyqësore dhe 16 seanca në prokurori, si dhe ka dhënë 71 këshilla juridike viktimave. Nga aktgjykimet, 10 janë dënuese, 2 liruese dhe 1 refuzues.
Zyra ka përfaqësuar 3 raste në polici, ka bërë 8 referime në Qendrën për Punë Sociale, ka pranuar 1 kërkesë për kompensim nga fondi i viktimave dhe 1 deklaratë mbi dëmin.