Erfan Soltani, 26 vjeç, i riu iranian i akuzuar për pjesëmarrje në protestat e fundit, nuk është dënuar me vdekje, sipas zyrtarëve gjyqësorë të Iranit. Kjo u bë e ditur më 15 janar 2026 përmes një deklarate të transmetuar nga mediat shtetërore iraniane.
Zyrtarët sqaruan se Soltani akuzohet për komplot kundër sigurisë së brendshme të vendit dhe aktivitetet propagandistike kundër regjimit, por dënimi me vdekje nuk parashikohet për këto akuza, edhe nëse ato konfirmohen nga një gjykatë.
Ai mbahet në burgun qendror të Karajit (ose Karaxhit, sipas disa burimeve), ndërsa familja e tij kishte deklaruar më herët se ishte njoftuar për shtyrjen e ekzekutimit të tij.
Ministri i Jashtëm iranian Abbas Araghchi kishte thënë në një intervistë për rrjetin amerikan Fox News se "nuk ka plan për varje. Varja është jashtë diskutimit".