Një 20-vjeçar, Rikardo Merkuri, ka dhunuar nënën e tij, Albanën Kastriot, të premten rreth orës 21:00, në banesën e tyre në Civitanova të Italisë. Ngjarja ndodhi gjatë darkës së ditëlindjes së tij, ndërsa babai Mario Merkuri dhe një djalë tjetër i familjes ishin jashtë.
Një fqinje njoftoi karabinierët për britmat e dëgjuara. Kur forcat e rendit mbërritën, Rikardo Merkuri ishte larguar, ndërsa nëna u gjet pa ndjenja në banjë. Ajo u transportua me urgjencë në spitalin e Maceratës, ku mjekët konfirmuan frakturë të nofullës. Gjendja e saj është e rëndë, por jashtë rrezikut për jetën.
20-vjeçari u largua me automjetin e tij, një Mercedes Classe A, duke lënë telefonin celular në shtëpi, i cili u sekuestrua nga hetuesit. Automjeti u gjet i parkuar pranë hyrjes së portit të Civitanovës. Pamjet nga kamerat e sigurisë tregojnë se ai hyri në zonën portuale, u hodh në det, doli në sipërfaqe, u ngjit sërish dhe u hodh përsëri, pas çka nuk shfaqet më.
Ai rezulton i zhdukur që nga pasdeta e së premtes dhe akuzohet për plagosje të rëndë me rrethana rënduese. Kërkimet vazhdojnë me zjarrfikësit dhe njësinë e zhytësve nga Teramo, Gardën Bregdetare dhe karabinierët. Autoritetet shpresojnë që ai të ketë dalë në një pikë tjetër të basenit portual dhe të jetë larguar në gjendje shoku, por nuk përjashtojnë skenarë të tjerë.
Përditësime
Albana Kastriot, nëna e Rikardo Merkurit, është pronare e një qendre estetike, ndërsa Mario Merkuri, babai i tij, është sipërmarrës në ndërtim.
Zjarrfikësit konfirmuan gjetjen e trupit të Rikardo Merkurit, 20 vjeç, i mbytur rreth mesditës së 22 shkurtit në zonën detare përballë portit të Pollenza-s.
Kërkimet u ndërpre për shkak të errësirës natën dhe rifilluan mëngjesin e së nesërmes me drone.
- Familja banon në Pollenza, jo në Civitanova.
- Nëna Albana Kastriot është 53 vjeçe.
- Familja jeton në Itali prej mbi 20 vitesh dhe është e njohur në Pollenza.